يـا صانـع المكيــــــاج الله يجـــــازيـك

يـا صانـع المكيــــــاج الله يجـــــازيـك
خليتني مخـدوع فـي شكـل خـــــــلــي
الله يحـرق مصنعـك مــع مبانيـــــــــك
والمعرض الموجـود فـــي بيكــاديلي
ادعي عسى تعمى وتنشـل رجـــــليـك
هـذا دعائـي دوم لا جيـت اصلـــــــي
خليتني اركـض ورا البنت هــــاذيــك
واشوفها اجمل غـرام ٍ حصــــل لـي
قلبي عشقها ياحبيبي تومـــاتـــيــــك
وان شافها قلبـي يرحـب يهـــــــلـي
هي رحبت بـي وقالـت الله يحـــيـــيـك
وقالت هلا باللي عشق زيـن شكـــلـي
وقالت انا اجمل بنت في اللي حواليك
شف حسني الاخاذ وروجي العســلّـي
طالعتها ثـم قلـت هــــــالقلـب يبغـــيـك
ومن شاف حسنك خلى غيرك يـــولـي
ابغي أشوفك دون مكيـــاج يكــســـيـك
وابغـي اشوفـك بالجمـال المحـــــلـي
قــالت تبينـي افـرك الوجـه تفــــريـك
واشيل هالبـودر وروجـي وكحــــلـي
قلت أي نعم قومي عسى الروح تفديك
ابغـي جمالـك هالطبيعـي يــهــــــــلّـي
قالت دقايق راجعـه لـك واراويـــــــك
ذاك الجمـال اللـي لعينـك يـــــســـلّـي
ويوم رجعت لي شربكتني الشرابــيـك
وحسيت الارض تدور وانـا بمـحــلـي
الخد كنه ياحـــيــاتي ســــــيرامــــيـك
والوجه شارع مثـل شـارع حــــولـي
الوجـه كنـه بيـت كلـه شــبـــــــابــيـك
من هالحفر في وجهها اللـي يعــلّـي
كلـه سبـب مكياجـك الله يجـــــــازيـك
خليتني مخـدوع فـي شكـل خــــــلـي
ونصيحتي لكل شاب من غير تشكيك
لا لا اتسـرع ثـم تنغـــــــش مثــــلـي
اللـي بـلا مكيـاج خلهـا حــــــواليـك
واللـي تحـط مكيـاج خلهـا تــــولـي

عجبني فنقلته Basketball

يعطـــــــيك الــف عافيه